+ কবি +
++++++++++++++++

     ✍:- নৱজীৎ দেউৰী
    দূৰভাষ:- ৯৩৬৫২০২৯৬২

কবিবোৰ খুব নিৰীহ প্রাণী

তুমি তেওঁক জুইত দলিয়াই দি
তুমি তোমাৰ বুকুত হাত থোৱা
দেখিবা, তুমি অলপো জ্বলা নাই
কিন্তু কবিবোৰ দাও দাও কৈ জ্বলে
অথচ, তেওঁ মুখেৰে একো নকয় ।

কবিক তুমি পানীত দলিয়াই দি
তুমি তোমাৰ দেহত হাত ৰাখা
দেখিবা, তুমি অলপো তিতা নাই
ব্যথাৰে অতল দুচকুৰ চকলো
কবিয়েহে জানে,
কিন্তু তেওঁ তোমাক নেদেখুৱাই ।

যি পথেদি মানুহ গ'লে হেৰাই যায়
সেই পথত কবিক ঠেলা মাৰি চোৱা
তেওঁ কেৱল খোজ আগবঢ়াব
গুচি যাব সিমান দূৰ
যিমান দূৰ গ'লে তুমি তেওঁক পাহৰি যাবা,
কিন্তু তেওঁ তোমাক নাপাহৰে ।

নদীৰ দৰে বৈ যাব
ধীৰে ধীৰে ক্ষয় যাব
অথচ, তেওঁ মুখেৰে একো নকব ।